二月十四的約會~第六個年頭~第五個情人節喇~自問唔會高調宣揚自己既感情事~~有時覺得感情呢d感複雜既野簡簡單單就已經好好~!!

自問唔係一個浪漫既人~加上識得亞英耐既人都知道佢鐘意對感情事低調~哈哈~佢低調內向到開左facebook都唔用架~真係俾佢激死!!口甜舌滑既甜言蜜語或者早三四年果陣我會成日講~但係知道女朋友唔鐘意我咁~都要好好收斂吧~或者得閒互串先係我地既溝通方式吧~!!其實依家都幾穩定~不過我真係要好好經營我既財政喇~始終都要為自己將來打算嘛~今年我真係好想可以全職教波同番去再進修~認定左自己唔係響business發展既材料~響康管果個層面真係要好好裝備自己吧~諗諗下都開始覺得自己唔係後生喇~!

尋晚去左九龍城食日式放題~間野靜靜地都幾舒服喎~d野食都ok~幾適合一大班人去聚會呀~因為情人節佢加左價~不過都好合理啦~!!有機會都可以再去~!!

今個禮拜要打kings個內部賽~唔少隊友都話想我可以贏波~多謝先~當然我會盡力打番場好波~又係個句啦~要爭氣~我要再令果d批評我唔得既人收口~!!

過埋呢個月又開始到比賽密麻麻既時間喇~大細league,港運會~有要教波~真係要好好manage下個timetable~

呀~仲有仲有~上星期既事多謝有咁多人去撐我~睇黎以後我要限制留comment既字數~哈~講真~留咁q大篇野真係無咩興趣睇~亦都無睇過~你咁做同當初ambrose做果d有咩分別呀!?話人~~用咁多個register入我xanga就更加無9聊~話俾你聽啦~幫女朋友唔係咁幫架~大朋友~!!^^

上個passage既野我唔想再講喇~唔想有機會俾人借題發揮~!!講番我自己喇~原來我來緊一季會開始打大league喇~一打仲要係打A+~~HILLTOP係一個好強既會~所有隊友水平都係香港頂級,都有唔少係我都認識既(湯達富,ocean,jacky,許偉樂..etc)~新人初來報到~我要好好學習喇~!同時要磨練下我既雙打~~希望09年可以做一個水準穩定既全面型球手~!!!

成個月無update diary~本來呢排無咩想寫~不過今日有些少有感而發~!!

其實唱衰人既野我覺得唔太應該響xanga都有~不過既然有無謂人又要走來辣著我的話~我都應該要講下我d睇法~

首先~朋友唔係要來咁樣利用既~同埋唔係妳咁諗係一件物件~~好似咩都是必要人去幫~將身邊既人咁樣舞來舞去或者妳會覺得係好虛榮既一件事~但到頭來會有更多人睇唔起妳~!!

之前我身邊既朋友話妳呢個人點衰點衰~我聽完都係一笑置之~但係如果身邊十個朋友十個都會係數妳既不是的話~我諗有問題果個係邊個都唔洗再去探究啦~~唔好再同我講話係majority對妳有偏見~我會覺得係妳唔識做人jei~我都唔想再教精妳~算數把啦~!

不過都可以講問題源頭係我既~依家攪到我係球會介紹人咁~我覺得好煩呀~我自己已經有好多野要handle~呢排三兩日又聽到邊個入左kings~邊個又想入來~我心諗關我q事咩~同埋我認真講句除左我地2隊之外~我唔覺得入左球會係咩咁重要同高興既事jei~~點解要成日講~講到我都真係覺得好煩~!!

重有~成日話自己同邊個邊個高手練波~去到比賽果下我總係聽到話邊度邊度傷~好心啦~輸波之嘛~唔洗未打就俾定一堆籍口自己喎~何況妳輸波並唔係一件好特別既事jei~如果輸唔起~有咩資格要扮球星jei~~真係覺得好好笑!

上個星期四打波仲好笑~有位區賽7連冠既球后走埋來辣我話果個新trainer朋友點勁點勁~~覺得我埋去打會輸梗~都係既~我認我屎波~不過好彩都爭氣~我諗我點都唔夠妳同妳師父勁架喇~哈哈~幾時叫佢出來同我打番場呀(不過都係放飛機居多架喇)!?唔好以為打幾個分齡賽來來去去贏個兩三個人就好好波先得架~講野都完全唔俾些少專重~最好少係我聽番話有人講話我終於響三大公開賽拎到獎喇~咁好波妳咪來拎埋一份lor~點解係都要單單打打呢~

講左咁多咁串既野~我都知我辣左好多個火頭架喇~不過我都係想宣洩下jei~~呢堆人要再走過來同我打交道或者交戲我都唔會再理~~!!我做好我既本份就ok喇~!!

踏入2009年~仍然係網球期時間~尋日打左港運會選拔賽..入到四強~差一場波就可以贏到單打代表資格~不過下場波對手都強~要打得好勝算先大!!

坦白講~上年下半年我感覺到我響網球場上已經真真正正地証明到自己既能力~來緊星期六既playoff~坦白講~我想打亦都有信心可以贏~不過隊既安排我都會尊重~或許有其他隊友更加需要呢場波來証明一d野吧~繼續努力啦我~我宜家可以好有信心講響kings一定唔再係排包尾掛~哈哈~~至少上年既我真係算好成功~

不過網球打得好~其他野都要兼顧下~2009年大計~進修?全職教波?或許我打埋呢幾場波之後真係要好好盤算一下~!!

都要多謝下身邊另一半既尊重同鼓勵~雖然妳有好多野好少同埋都唔會講出口~不過妳對我既支持同體諒我係感受到既~!!

香港網球錦標賽2008

成個月無update過個xanga,因為上個月尾真係好忙~除左做野之外~夜晚仲要抽身去打比賽..不過呢個比賽真係我打網球咁多年之中既奇妙之旅~!!

一出draw之後~已經開始覺得網總係玩緊我~以我今年同上年公開賽既成績打乙組singles應該都唔洗打外圍賽掛~偏偏係要打lor..好啦~打多四場波..頭三場都好輕鬆過關..8-4,8-2,8-2..途中遇到一個無品鬼佬~我一路介波一路響樹"問候"我~我好彩都沉得住氣~不過呢d球手真係敗壞社會風氣~你估你有錢大晒咩~!!

好喇~第一個考驗到喇~爭入maindraw既最後一場對住個junior..好熟波既~果日真係發揮得差~輸波..8-5..不過唔緊要啦~因為知道好大機會apply lucky loser..之後果個星期都仲可以打到maindraw既比賽~

好喇~去到maindraw first round..第一個好運事件發生喇..竟然有5個球手apply左打lucky loser..遠遠比我想像之中多..我當時抽到第五個,亦都係最尾一個後補名額~心諗死喇..可能真係有機會後補唔到~不過真係好好彩~咁岩1st round真係有五個player無來~有得打比賽喇,復活成功~仲要抽到好簽~1st round對個junior唔算好強~落到場..best of 3 sets 既比賽~1st set贏左6-3,2nd set 都lead到5-1..呢個時候對手個節奏變左~拖慢我來打~我真係唔耐煩喇~竟然俾佢反追我7-5贏左2nd set..好彩我都無亂~定一定之後final set lead番 2-0..到呢個時候..opps..夠11點~唔可以再打喇~要第二晚再打~去到第二晚~我都將個分拉開到5-2..不過junior球手真係好難纏~又俾佢追番5-5..最後我用埋最後一啖氣7-5贏左~兩晚打左總共三小時四十分鐘~呢場波真係贏得好辛苦~~!!2nd round..又係對junior..呢場我發揮順暢好多喇6-4,6-2贏左~入到8強~我番去交score sheet果陣umpire仲問..亞黃生~你到底輸俾邊個?lucky loser打到去八強!?真少見~~哈哈~

quarter-final 對老對手~黃劍文~半年內第三次碰頭~我南華singles贏左佢~不過打league輸左~我之前預期會係好難打~因為佢贏左我qualifer輸果個junior..去到八強階段~比賽既氣氛好強~我都打得好投入~結果發揮得好好..贏6-3 6-3..入四強~~真係好似發夢咁~!

去到semi..更奇妙既野發生喇~網總竟然打來話我對手俾人dq左~唔係呀嘛!?咁咪入到公開賽final..真係好似發夢咁~~

兩個星期既比賽~去到final..呢日真係盡晒力喇~加上有微傷~6-2,6-1落敗~不過真係好滿意喇~三大公開賽裡面可以有獎拎..算係好大突破喇!!我諗公開賽都未有試過lucky loser可以入到final~!!

之後open既singles我都真係打唔到喇~太辛苦~唔係都有d機會打到去maindraw~!!

不過今年響網球場真係算豐收喇~南華open singles打到去maindraw..national打到亞軍~我覺得自己算大打爭氣波喇~希望下年可以繼續努力啦!!